نيران العشق

حتى انت آ لبحر كتسولني مالك
سولوني الناس من قبل بحالك
جاوبتهم بكلام صادق ومفهوم
ياناس انا كنحب وقلبي بالعشق مفعوم
وصبحت بالحماق والهبال متهوم
*****
عاتبوني بزاف ولا موني
تهكمو عليا وعاتبو وما رحموني
وجيتك قاصدك
تسمعني وتصغى لشجوني
*****
انا بلا ما نقصد دخلت بحر الغرام
والحب ما هو عيب او حرام
نظرة وحدة منو فقداتني الزمام
والقلب ما عليه وصاية ما عليه حكام
*****
قالو ليا ..
فهاذ السن وانت كبير
قلت ليهم ..
الحب كيف الموت قدر محتوم
ينزل على بغثة بصاحبو بلا ما يكون معلوم
ما يفرق بين كبير ولا صغير
ما يفرق بين غني ولا فقير
بلا مهاودة وبلا مساومة بلا تخيير
*****
شفتو وصافو وهي عا جباني
يشوفة وحدة منو هو سباني
وفبحر الغرام والهيام رماني
نقاسي وحدي لوعتو ونعاني
*****
نار عشقو فالقلب كادية
ما يطفيها ما بير ولا ساقية
ما يطفيها غير كلمة وحدة منو وهي كافية
كيف ما كانت انا نفسي بها راضية
*****
ما حن عليا ما شفق
وتقول بكلمة وحدة نطق
وان عليا نصبر ونعشق
*****
كنعشقو وكنهواه وانا بيه ولهان
ما شي بيدي القلوب ما عليها سلطان
*****
انا ياربي على عذاب الحب ما بقيت قادر
نيرانو فقلبي شاعلة وانا غير صابر
*****
بعيت ننساه ويرتاح بالي
كيف نعمل نتبدل ويتغير حالي
وصورتو ونظرات عيونو موشومة فبالي
كنهيم بالنهار ونسهر الليالي
*****
نترجاك يامولاي يالكبير يالعالي
تسعدو هو وتشوف انا من حالي

الدار البيضاء في 11فبراير 2008

جيت نشكي للحْجَرْ عْذِرْني

البْحَرْ سْكِنْ يا صاحبي

واسمعني

و شَكْوْتي من حبيبي

مذلّة

لا طاعني

لا حبّني

و لا اهجرني



أخي العزيز حسن



كلما طالعتني كلماتك الصادقة و زجلك الحلو

أحببت اللهجة المغربية أكثر



رااااااااااااااااااااااااااااااااائع

الاخت الكريمة لميس
أشكر لك مرورك البهي
[color=#0000ff]تحياتي الشاسعة[/[/size]color]

أختي الطيبة فتحية
أنت الرائعة
أخجلني ردك وتعليقك أختي
ان مرورك بما تخطه يدي يكون له دائما وقع طيب في نفسي
شكرا أيتها الرائعة
دمت طيبة وبهية

أختي الكريمة حبيبة
اسعدني تعليقك , ومسروركون القصيدة نالت اعجابك
دمت رائعة

الأخت العزيزة شهيدة
سرني مرورك البهي,وسرني أكثرتفاعلك مع القصيدة
الصيف على الأبواب ,وهوفرصة لزيارة مدينة شاطئية والاستمتاع بالبحر
وان كنت تودين البوح فليس أنسب ولا أروع من ساعة الشفق أو وقت الأصيل
دمت أختا عزيزة
مودتي

الى الأستاذ حسن بواريق
...
بغيت ننساه ويرتاح بالي
كيف نعمل نتبدل ويتغير حالي
. . . . .
وحنا علاش هنا علاش
واش ما شفناش
أو
ما نجمناش
. . . .
وهل سبق لك أن ناشدت قلبك وقلت له
. . . . .
يا قلبي واش الحب يديـر من غيرك دارو
هددو عـلمو بالافـراغ ديـر أسـبـاب.
. . . .
أم أن قلبك لم يطاوعك
وقال لك
. . . . .
أمري لله الحب سكن وخدا قـرارو
........
عفوا الأستاذ المحترم
تحياتي