هذه القصيدة مهداة إلى كل الذين كانوا بداية لهذه القصة لكن تراب الوطن عانقهم في صمت.
قصتنا قصة
قصتنا قصة كلشي واكل العصا والسياسة مسْوسَة المسكين على حاله مغلوب الحق حقنا لكن مسلوب ودمي ودمكم قطرة قطرة مشروب *** قصتنا قصة كلشي واكل العصا والسياسة مسْوسَة التاريخ ما منه هروب المخير فينا وفيكم برصاص زمان معطوب قالوا: هذي صفحة وطويناها قلنا طويناها طليناها لكن بالكذوب *** قصتنا قصة كلشي واكل العصا والسياسة مسْوسَة شحال من عرض مغصوب وشحال من قلب كـ قلبي مقلوب وشحال من حق عرفتو ديالك عرفناه ديالك لكن منهوب وايلا جات الدقة من الفوق ما ينفع معها سبوب *** قصتنا قصة كلشي واكل العصا والسياسة مسْوسَة جيتكم يا سيادي وعارف الناس حجر وطوب جيتكم يا سيادي هاز همي وهم جيل فاق من حلمة مرعوب جيتكم يا سيادي نقول لجلادي خوي بلادي أيه أنا مجدوب جيتكم يا سيادي نقول لجلادي اللي قتلتي راهم ولادي ماتوا شهدا وتقليدهم في عنقنا مكتوب *** قصتنا قصة كلشي واكل العصا والسياسة مسْوسَة آش درات هاذ الشعوب في إفريقيا وفي العالم حتى تبلوها بالحروب آش داروا وآش درنا من ذنوب حتي تهمونا بالباطل وتكثروا فينا العيوب والسلام في العالم يموت مصلوب *** قصتنا قصة كلشي واكل العصا والسياسة مسْوسَة ماشي غير أنا شلا كروش في بلادي جيعانة ماشي غير أنا شلا فام تنادي عطشانة لحليب صافي يكعد لكلوب لكن ضرع بلادي حليبه محلوب.. منهوب.. مسلوب.. وفي كيسانهم مكبوب وأنا أمكم ''هنية'' حاجيتكم ما جيتكم وهكذا سالات القصة وبقى كلشي واكل العصا والسياسة مسوسة
البوعليوي عبد السلام
عدد المساهمات : 129 تاريخ التسجيل : 30/03/2008
موضوع: رد: قصتنا قصة- توفيق البيض 1/8/2008, 00:45
الاخ توفيق السلام عليك اولا مرحبا بك
هذه الزجلية جميلة وهمنا واحد ولكن القصة يااخي ماشي قصة ماشي كل شي واكل لعصا شي عايش ف عرصة اشي عيش فنخصة
والقصة تبقى عندنا حاسين بيها أبهمنا إمكن الزمان ضدنا إمكن هذا حظنا
اشكرك على هذا الموضوع احترامي
فتحية الهاشمي الادارة و التنسيق
عدد المساهمات : 1899 تاريخ التسجيل : 23/01/2008
موضوع: رد 1/8/2008, 13:23
سلامي وافي للي كلامو مثل الماء صافي
كلامك زين و همّنا واحد
لا تقول شرق / لا تقول شمال
نحن حطّينا روسنا
كالنعام وسط الرمال
و هذاكة اللي يسكت على حقو
حالو حالْ
أخي توفيق قلت فأفضت و عددت فأجدت
مرحبا بك أخي
توفيق البيض
عدد المساهمات : 5 تاريخ التسجيل : 31/07/2008
موضوع: رد: قصتنا قصة- توفيق البيض 5/9/2008, 17:31
العزيز عبد السلام..شكرا على الترحيب الذي يجعل الصدر ينشرح ويجد الدفء في أحضانكم.. أما بخصوص ''العصا'' فكل منا ''واكلها'' بطريقة أو بأخرى.. فعصا الزمان طويلة ومن لم تطله اليوم ستطاله غدا.. مودتي
الرئيسية 
