بابا ضاعت هاكة الطفلة

بابا كْبرْتْ

كْبرْتْ و ْضاعتْ منّي الطفلة اللي تهواها

الطفلة ضاعتْ

والله ضاعتْ

زعمه قلّي وينْ نلقاها

هاكة الطفلة كانتْ ، كانتْ

كانتْ ورده بينْ أحضانكْ

كانتْ حِلمه من أحلامكْ

كنتْ عْليها ديمة تْغنّي

بشعركْ وِ تْرتّلْ ألحانكْ

الطفلة هذي ما تعرفها

لا عمرها خطرت عالبالكْ

وين نْخبّي وجهي منّكْ

قلّي علاشّ ضيّعتْ أحلامكْ

ضُعْتْ و ْ ضاعتْ هاكة الطفلة

المعجونه بْشعركْ و انغامِكْ

بابا ، بابا حضني فارغْ

باردْ ، فارغْ بعدْ غْيابك

ضعتْ و ضيّعتك يا بابا

وِسْطْ الظلمة حِبْلتْ حِلمة

ولدت هالطفلة الْ قُدّامكْ




..