أشنو ناقصك

موضوع: أشنو ناقصك 9/7/2008, 15:44

أشنو ناقصك
فكل كلمة تحكي
معناها ديما تشكي
كلك حكايات
فآخرها تبكي

أشنو ناقصك
واش لي مخليك
ديما عايش فحلام
تشوف النور
وتحسبو غير ظلام

لي عندك كثير
ما حازوه الناس
لا تترنح كيف الطير
ما يجرا حتى باس
من عشك راغب تطير
والغابة عليها عساس

أشنو ناقصك
درة من إحساس
وتحس بقلوب الناس
الشكوى راها وسواس
فبحرها نت غطاس

ناقصاك لفهامة
و تزول على عينيك
لغمامة
محتاج لسور عالي
يحميك من لعجاج
ناقصك عقل تاني
مكان لي عواج

نسال ربي يهديك
وتفتح عينيك
سمع مني قوالي
لا تبقى تشكي
إلى كان قلب منك خالي
قلوب كتيرة
راها تبغيك

..

موضوع: رد 16/8/2008, 20:32

الأستاذة لميس سعديدي

الزجل هو في حد داثه كلام يفيض به الكأس
ويندفق شعرا معبرا بخط القلم ليبقى موشوم
في الذاكرة له ركن في عش المحبة
الذي يخصص لقصيدتك الزجلية أشنو ناقصك
ركن من بين الأركان المحبوبة
ـــ ـــ ـــ
حيث
إلى كان قلب منك خالي
قلوب كتيرة
راها تبغيك
. . .
تحيتي الفنية