خليوني نتكلم

خليوني نتكلم
راه سكاتي عياني
كلامي ضاق بيه لساني
وعيا كلبي وتألم

ومع من نتكلم
شكون راغب يسمع
لي سمع كلمة يرجع
كلامي قلتو فمنامي
ومعانيه بقات حلام

عايش هاد الزمان نخمم
حيرني لي شفتو فالإنسان
لي شفتو هنا ولهيه
وفكل مكان
ويا ريت الراحة فالتخمام

يمكن نكون غالط
فافكار قديمة قابط
تبدلات الوقت
ووقتي أنا فات
تغيرت ليام
وإيامي أنا مشات

حسبوني من كهف قديم
عاد فقت وجيت
كلشي تغير إلا أنا بقيت
كالو بنفسك كون رحيم
ودير ما دارو
نعاندهم أنا ما قديت
مستحيل نهدم ما بنيت

عذروني خاني التعبير
صدمني هاد التغيير
ما مناسب لينا خطير
أش المعمول يا ربي
كولو ليا أش ندير

خليوني نتكلم
ولا نسكت ونعيش احلام
لطرش ما يفيد معاه كلام
ولى زاد صبح عمى
ما بقات للإشارة معنى
ويبقى الحلم وهام

الأخت الشاعرة لميس سعديدي

لمسات القصيدة الزجلية
"خليوني نتكلم "
لطيفة جدا
ــ ــ ــ
ومع من نتكلم
شكون راغب يسمع
ــ ــ ــ
عبيرها رسالة الى العقل البشري
تحكي عن معانات اللسان المتكلم
والفكر المخطط

وكل من يحرث بقلمه الأوراق
ويزرع أحواضها حروف
تنبث تورق تعطي ورود
وأزهارمختلفة تفوح رائحتها

مرحبة بالمتجول بالمتنزه
في بستان منتدى مدارات
فضاء الابداع والتواصل

تحيتي الفنية