صافي صافي

موضوع: صافي صافي 3/6/2008, 14:19

صافي صافي
كلبك ماشي صافي
تخلوض داك الواد
للي كان يجري هواد
ما عاد فيه الما كافي

صافي صافي
لا تشعل عوافي
بعدما بردت لجمار
جاي تزيد النار
خللي لجمر يبقى طافي

صافي صافي
حملك كان ثقيل
وحملتو فوق كتافي
طعمتك أنا بالخير
وذقتو منك حافي

صافي صافي
خترتي ليك طريق
أنا ما نقدرعليها
شوف غيري ليك رفيق
يمشي معاك فيها

موضوع: رد: صافي صافي 4/6/2008, 13:14

زجلية جميلة ببساطتها
عميقة بدلالاتها
مبدعة حتى في بساطتك
اختي الكريمة لميس
دمت صاحبة السجية والقوافي ذات القلب الصافي
تقديري واحترامي أختي

موضوع: صاف صافي 4/6/2008, 13:28

الله يبارك فيك ويديم عليك الصفا
يا أخي حسن
يسعدني دائما مرورك الكريم
وتطمئنني كلماتك الصادقة
بكل بساطة
أشكرك

موضوع: رد 5/6/2008, 13:50

غاليتي لميس

و كأنّ حبل الحديث لم ينقطع بيننا

ما كلّ هذا الحريق الذي تشعلينه في كلام صاف

الواد إذا تخلوض أو ادردر كما نقول عندنا

يلزموا قلوب صافية و شفافة باش يرجع لصفاه

ووادك يا لميس حامل

و نارك قايدة

هو البركان فلا تتركيه ينفجر يا لميس

و يأخذ معه الأخضر و اليابس

أحبك من كل قلبي أخيتي

موضوع: صافي صافي 5/6/2008, 14:02

نعم هو حبل الحديث لم ينقطع بيننا

وفي انتظار أن يكون حديثا مباشرا عند اللقاء إن شاء الله

دام حبل الود والصداقة متينا بيننا أختي الغالية فتحية

مع محبتي الخالصة

موضوع: رد: صافي صافي 6/6/2008, 01:18

الاخت لميس سلام الله عليك

صافي صافي
خترتي ليك طريق
أنا ما نقدرعليها
شوف غيري ليك رفيق
يمشي معاك فيها
*************** من اقوال لميس
****************

لازم تقدري
اتكابري اتصبري
غنمي من العمر ما يجري
انت لي اخضرتي الطريق

تقديري

موضوع: صافي صافي 6/6/2008, 13:45

يا عبد السلام صافي صافي
ما عاد الصبر كافي
الصبر ليه حدود
ولو لكلب ما يحافي

شكرا على كلماتك الطيبة أخي عبد السلام