حناتة يا ليام

حناتة ياليام

العينْ شافْت وصلاتْ القلْب

والقلْب شَلْ عْظـــــــــاميِ

والعقَل وقفْ تَفكِيـــــــــرو

إلى بَلارجْ علاَ وبْنى عَشو

فينْ نهْرَبْ وراسي نديــرو

حنـــــــــــــاتة يالـــــــــيام

ولي لسعاتـو إجمعْ قَشــــو

حنــــــــــــاتة ياليـــــــــام

لي كان راسْ ولا رجْلينْ

ولي كان ف لبحرْ عَوامْ

طوعوه مسكيــــــــــــنْ

خليها وسير معها ب المهل

لاتعاندها راه تكبـــــــل

عطات لرعاوي وصَالو

ب الكذوب والتلاوِي وَالو

علاش بلارج علا ورْتاخْ

ونشرْ اجناح لرْيـــــــــاحْ

كِ سمارْ معَ المــــــــــــا

تَحْنا مازاد كلمـــــــــــــة

لابدّ يـــــــــــوما مـــــــا

تجـــــــــــــود السمــــــا

ويخرجْ الحّبْ منْ ثرابو

وبان الخيروصحابــــــو

وتمشي ذيكْ الغمّــــــــة

والنورْ يهرّبْ الظلمــــة