آه مالخيانة وآه

آه مالخيانة وآه


أول آه


عاللّي بين اللحم و العظم سكّنتو

أُو ما خنتو

وقت المحنْ و الشدايِدْ

كنتْ فَرْشْتُو و ملْحفْتو

وِبْزايْدْ

كِفَرْخْ الحْمامْ

بدمعتي

وِبْفرحتي

زَقّيتو

أقربلي من روحي للوريدْ

جْعَلْتو

وْ زايِدْ

أوّلْ طعنَة في الظهرْ

كانتْ بيدو

وْ بيدو زقني السموم

و شفتُو

ايعضّْ الأيدْ

اللّي عْلى ظَهْرو

طبطبتْ

سِنْدِتّو

وْ زايِدْ

بْنادمْ مالغدْرْ

و الخْيَانَة

طينْتو مخلوقة

آآآآآآآآآآآه يا قلبي

لا تقلّي

يا ريتني ما كنتْ

يا ريتكم

يا ريتوُ

وْ زايْدْ

اللوم بعدْ القْضا

بِدْعة

لا منّو ربحْ

وْلا منّوأفّايدْ





ثاني آه



زين كلامي

في وذانك حطّو حلْقَة

تشرّق ولآ تغرّب

قلب كيف قلبي

محالْ ما تلقاه

نا الهاشمية الحرّة

سرّ الهوى و دْفاهْ

و تلقى

نْسا في نْسا

شُقْرْ وِ سُمْرْ

وخمري لونهم

وْ آه

لوني لونْ الشّرَفْ

وْ زِينو

و دمْ جدّي فوّحو

وْ زادو بهَا عْلى بهَاهْ

و نلقى

روحي وَحيدة فريدة عصري

وزعمة

زين تفهم كلامي

حكمتو وْ معناه