نْوْهـــــــبْ الرّوحْ.... وْ ما نْرْتَــــــــــــاحْ
نْوْهــــــــــبْ الرّوحْ
وْ ما نْرْتَـــــــــــــــــــــــاحْ
يْشْيانْ حَالي وِينُوحْ
وْتْسْري فْ عْضَايا لْجراحْ
*******
مرّة نْوْهانْ،مرّة نصــــــْحْ
وْ ما تْهزني رْيَاحْ
وْالغادي فْ طريق الصّــْحْ
ما يْهْمُّو صـــــْياحْ
*******
لْهـــــرُوبْ مْن آشْ وْلينْ
الشّْكوى عْلاشْ ولْـمّْنْ
خْلّي السّر فْ القْـلْب دْفِينْ
تْعيشْ منْ لْحْزانْ مْاْمّْنْ
*******
ايّامْ دايْزة،وْايّامْ تْســـــايْنْ
اعْوام قاسْية،محــــــالْ تْلينْ
عْمر غادي،ما عْرفْتْ فاينْ
النّفسْ صابْْرة،ماتْرضى تْنينْ
*******
كِيفْ شْجرة مْدِّيتْ غْــــــــــــصاني
لّْفراكْ الرٍّاجْفَة دْفـــــا وْ مْنَّة
زْيانْتْ الحَالَة،شْحَالْ مْنْ طِيرْ جانِي
بينْ زْهاري دْنْدْنْ وْ تْغْـــــنَّى
خْرّْفْتْ لُوقَاتْ،كلْ شِي جـــــــــْفَانِي
اللِّي طارْ لْبْعِيدْ بْجْناوْحُو تْعْنَّى
*******
كُنتْ نْحساب لْعْدُو بْرَّانِي
سَاعَة لْقِـــــــيتُو واحــــــــــْدْ مـنَّا
شْحَالْ شْكا فْ حْضـــــَانِي
و كلْتْ كاعْ هَــــاذِي مْحْنَّـــــــــــة
اليُومْ صْداعُو عْيـــــــــَّانِي
بْعدْمَّا كَانْ لْهْمْسُو فْ لْمْسامْعْ رْنَّة
نْوْصِّيك يَا ذَاتِي ،ما تِّيقِي ثَانِي
فْ اللِّي يْضْحْكْ لِيكْ وْعْلِيكْ يْتْجْنَّى
هَكـــــذَا زْمــــــــَانِي قْرَّانِي
اللِّي خْدْعْنِي مْرَّة،آشْ مْنُّو نْتْـسْنَّى
*******
تْعَاكبْتْ لْمْــــــنَازْلْ عْلى عْـــــــيَانِي
خْطْرَة تْتْصدّْعْ،خْطْرَة تْتْهْنَّى
طَالْتْ لْحْظاتُو، ذْ الظْلآم عْـــــــمَانِي
مْوَاجُو زاحْــــــــفَة ما تْتْأْنَّى
صَــــــــــــابْرْ علــَى مَا جْرا وْ هَانِي
صَامْدْ فْ طريقْ مَا نْتْـــمْنَّى
نْمُوتْ وَاقْــــــفْ عْزْ مي فْ كْنــــَانِي
وْ مَا نْعِيشْ رَاكْعْ بْشَانْ تْدْنَّى.
الرئيسية 