أش الداني

أش الداني

لو كانْ فاقْ بويا من لقبر كن أمنعني
أشد القلمي أهرسو أزاد هرسو
أش الداني نمدح من لايعرف قدري ولاإسمعني
ركنو كلامي ف ركنة قطع حسو
ونا من فن لكلام أعطيت ساسو مبني
بعد التمجيد ضرو داتي قلبي قرسو
ماضنيت بعد ضني إجيني العيب مثني
ولاواحد حس كيف حسيت ولاحسو
اش الداني ألف مرة أش الداني
نخطط ورقة ولا قلمي ان مسو
تغريت ب الزواق واضباب أعماني
أش تسوي من تزادْ أعوج قوسو
لوكان فاقْ أبّا من لقبر لوكان أكواني
كلها إقول أراسي أراسي أكلها أراسو
قالو ليا أحضي منهم ونا صميت أوداني
حتى دبحوني دْبحتْ الكزار الحافي موسو
لو كان فاقْ بويا من لقبر كن أمنعني
كن قال أمدح فتش عاى لبيك إحسو
كن اعرفتي اش من امثال فزماني حرهم ألواني
واش من أبنادم جاني منو باسو
أش الداني أكيف أطرى واش صابني
طاع أكلامي ف ناس ألبسهم إتغير لبسو
طاح أكلامي ياهل البهجة أخوكم إعاني
لي أهدوليه أهدية ولي فرحان ب عرسو
ونا خارج ناكد مضيوم ونوم أجفاني
كاعْ الناس نامو عنيا انا على النجوم عسو
كن امدحت خير الخلق كن الله جزاني
ولانمدح أضعاف لي على الدنيا حرسو
كن امدحت خير الاشراف الرباني
نفلح كيف فلحو لفاتو أغرسو
مدحت ابحالي ضعيف حتى هو فاني
عزيز النفس الاتهان قوْلو ماعاد إدسو
نبوح ب ضري أماجا ف الوجداني
لي حبنا لله مرحبا ولكرهنا نفيق ضرسو
أُن خطط هاد الشكوى ولاكان لابد بلساني
القول قول عبد السلام البعليوي عنداكم تنْسو
08.4.12 والساعة 8من سوايع الغاني
ولي احنا عندو إرقد فلسو
والصلا والسلام على محمد خير لي من ميات منطيح أناني

إسمحولي على هده القطعة لانها طويلة وحبيت ان تشاركني في هدا الالم
الدي سببه لي بعض الاخوان سامحهم الله

[/size]