توحشتك

توحّشتِكْ ... قدّاشْ نْحِبِّكْ

نْوشوشلك في وذْنِكْ كِلمَة

وِانتِ غافي بينْ ايديَّ

عيني فْعِينَكْ ياما سَرْحِتْ

وْ يِدّي فْشَعْركْ مِتْخُبِّيَّة

توحشتك .... قدّاشْ نْحبك

انحبّك

كلمة صْغيرة / صْغيرة برشة
لكن قلبي فيها يُغْرِقْ
وْهوَ ما يعرفشي يْعومْ

توحشتك قداش نحبك

يزّي بربي هبّط عينك

منّجّمشي نثبّت فيك

كي نخزرلك موجي يعلى

موجي يهدّر

وانا منو نْخافْ عليكْ

توحشتك قداش نحبك

مقطع من حكاية شعريّة أو نص مفتوح يراوح بين الفصحى و اللهجة التونسية