الميت و الغسال

موضوع: الميت و الغسال 20/3/2010, 14:29

قْرِيتْ كْتُوبْ شْحَـــــــــــالْ
وُ سْمَعْتْ يَامَا حْكَايَـــــــــا
و رْكَبْتْ ظْهُورْ لْجْبَــــــــالْ
و قْطَعْتْ بْحُورْ لْغَايَــــــة

شْفتْ فْ طرِيقِي لْمُحَــــالْ
عَيْنِي عْلَى النَّاسْ مْرايَـــــا
لْحَقَّانِي مْكَبلْ تْكْبَـــــــــــالْ
وُ لْخَايْنْ رَافْعْ رَايَــــــــــــة

الذِّيبْ فْ لُوكَارْ عـــــــــزَّالْ
قَاهْرْ لْ حْلاَمْ فْ سْمَايَـــــــا
كُلْ لِيلَة يَهْدِي مُـــــــــــوَّالْ
وُ الـضْعِيفَة ليِهْ كفَـــايَــــــة

النَّاسْ مْخَبْلَة تْخْبَــــــــــالْ
وُالشِّيخْ مَاعْلَى بَالُو حْكَاية
شْعِيرْ و ذْرَة و خُرْطَـــــــالْ
فْ خْزِينْ الشِّيخْ دِعَايَــــــة

دَمّكْ يَا لْمسْكِينْ حْــــــلاَلْ
لْجْنَانْ الشِّيخْ سْقَايَــــــــــة
لاَ فْضْلْ لاَ رَاسْ لْمَـــــــالْ
وُ لْمَسْكِينْ مَا عَنْدُو وصَايَة

الْمَغْبُونْ عْلَى الرِّيحْ عُـوَّالْ
عَارِي لْبْدنْ ورْجْليهْ حفَايَــا
غْطَّاوْ لُو الشَّمْسْ بْ غُرْبَالْ
و قَالُو لُو فُكْ لْحجَّايَـــــــــة

هَادا حَالْنَا و مَايْدومْ حَــــــالْ
يَاكْ لِيَّامْ وِيدانْ جرَّايَــــــــة
حَالْ لْمِيِّتْ وُ لْغْسَّـــــــالْ
حَالْ لِيتِيمْ لِّي كْبْرْ فْ جْوَايَ

يَاكْ الدُّنْيَا شَمْسْ و هْــــلاَلْ
شْرُوقْ و غْرُوبْ و نهَـــايَة
يَاك الزْمَانْ فِيهَـــــــــا دْلاَّلْ
وُ مْعَلّمْ منْ مَا عَنْدُو دْرَايَـة

لَمْ دْمُوعْكْ يَا لْمْدْبَــــــــالْ
مَا تْكُونْشْ لْلْهَمْ شْفَايَــــة
سَرّجْ عْوْدْكْ يَا لْخِيَّــــــالْ
تْحَزّمْ وُ رْمِي رْمَايَـــــــــــا

رَاه الدُّنْيَا بِيعْ و مْقَــــــــالْ
يَا شَارِي لْخِيرْ بْ سْعَايَـــة
مَا تْكَيّلْ حْكْمة بْ لْمَـــــــالْ
قَالُو لِي مَاجَاتْشْ بْ قَرَايَـة

هَادَا خْتَامي يَاهْل لْحَـــالْ
هْزُّو وْلاَ حَطّو فْ لْغَـــــايَا
لَ يكْفِيكُمْ مْنُّو متْقَـــــــــالْ
الْبَاقِي عزُّوهْ لْرْزَايَـــــــا

موضوع: رد: الميت و الغسال 20/3/2010, 14:40

لم أستطيع التعديل فهل من منكم اساتذتي من يستطيع القيام بذالك نيابة عني فليتفضل و له جزيل الشكر

موضوع: رد 20/3/2010, 15:09

عبد العزيز زكي كتب:

المبدع عبد العزيز زكي

مرحبا بحروفك المميزة بفضاء ركن الزجل بمدارات
كل الاخوة في خدمة الفن ورهن اشارتك في القيام بنوع التعديل المطلوب
تحيتي لك الصديق العزيز

موضوع: رد: الميت و الغسال 20/3/2010, 19:18

حزن عميق على حال لحال... يحسوه مــّالينْ النفس والرجال...تحيتي لنبض حرفك البهي ...قمت فقط بتغيير حجم الخط حتى يقرأ النص بسهولة...تحيتي وتقديري أخي ع.العزيز

» كيف سيغسل الميت نفسه
» كمن يصطاد السمك في البحر الميت