مدْ يدّيكْ

موضوع: مدْ يدّيكْ 13/2/2010, 22:49

مدْ يدّيكْ
نقْرا خْطوطْها
بلْسانْ عيْني
وضوْها
فيها نْشمْ ريحْة لعْرقْ
يْسْقي كفْها
مالحْ
بْحالْ دْموعي
جَفافْ الحالْ
نْشفْها

كانْ المَا
يْسافرْ من عرقْ لْ عرقْ
يْزرّكْ من رْمادْ دْماغي
يدْوي من عيني
يمْشي ْيبِدّي
نْرسْلُه من لوْراقْ
رْواحْ لابْسة رْجايَ
مْحنْية بخْضاب زينة الشجرْ
حورية خامرة فْ جنّة
ساروتها مْودّرْ
بين يدّّينْ
تْباتْ تفتلْ شْباكْ
للْحوت الهاربْ
من السْنانَرْ

مدْ يدّيكْ
نقْرا حْروفها
نفرّقْ بينك وبين غاشي
لابسْ خْيالكْ
شاغْلُه
تسْوافْ اللْسانْ
و تسْواقْ الفرحة الصفرة
فْ كْواغطْ مْلوْنْة
ليلْ و نْهارْ
فْ دْروبْ الهدْرة
يْبرّحْ
حراجْ...حراجْ ...
شْكون يْزيدْ اكثرْ...؟

مدْ يدّيكْ
نْشمْ عْطورْ المَاية
نْعزْلك فْريدْ بين الغنّاية
على جْبينكْ
نْعلّقْ فرْحة القلب
عْناية
نتبع لْغاكْ بْعكّازي الرّاشي
نرشيك بْ سْكاتي
غْرامة
تْفيضْ انت بالسْخا
تطْمعْ فْ رْضايَ
تنسى الحلقة والغواية
تغيب فْ مسارب لحكاية
بْعقلي و دمّي
نشربْ من ديكْ السّاقيَة دْوايَ
خايفْ تْقرّبْ النهاية
وانا عادْ تكّيتْ على جنبْ
خْزنتك فيه من صْبايَ
وطْلقت سمعي يجمع من صدْركْ
فْصولْ الحُجّاية

مدْ يدّيكْ
عْجنّي طينْ بكلْ لْوانُه
مضغني علك بكلْ نْسامُه
ارْسلني حْمامْ
كْلامكْ فْ منقارُه
تلقاني على طرف شْفارك
بيّ تقرَا الغايبْ
وتعرفْ اخْبارُه
مرّة نْحلمك طيرْ فاقْ من رْماده
من نْعاسي نقفز
نتبعك فْ غْزيلك
نضرب بْجناحي ف لغمام ْ
نفتح طريق فْ الظلامْ
للضوالسّابح فْ الكون
نزحف على الركابي
نشدّك من لكمامْ
نمسح لغْشاوة
نزيدْ لْقدّامْ

أومرّة نْشوفكْ بنادم
فْ صفة بوبْلالة
نادم
مْتلّفْ جْناوحكْ بين رجْليكْ
ما تعْرفْ كيف طّيرْ
تتْعافرْ مع لفهامة
يْعكْلكْ ذاك السّاهلْ
من خيوط رْتيلة

مدْ يدّيكْ
عْتقني من قاع التلفة
نكربلْ الأرض البايرة
نْخيّطْ لجراحْ الغايرة
ونتوبْ
نبقى أنا
كيما كنت
نْكونْ

موضوع: رد: مدْ يدّيكْ 16/2/2010, 18:23

طرز لحرف ب خيوط لمعاني متان ...
طرز معلم فنان ...
يسرح ب لخيال ف دروب اللغا ب إتقان...
شكرا أخي السي الميلودي العياشي على تطريزك الأنيق ...
تحيتي

موضوع: مد يدّيك 15/3/2010, 19:47

العزيز أمين نجيب
سلام أخوي من الاعماق . تعليقك الجميل نبل ولطف منك . أتمنى ان تتجدد لقاءاتنا لتزداد علاقاتنا عمقا وثراءا .
الميلودي العياشي

موضوع: رد 16/3/2010, 21:41

المبدع الميلودي العياشي

نص جميل وممتع فنيا
وهذا ليس بغريب على زجال يسكنه
هول الحرف وهذير الكلمة
وللقلم كلمة زجل
دمت بود ... تحيتي لك

موضوع: مد يديك 5/4/2010, 19:21

العزيز بنعيسى الحاجي
كيف الحال يا اخي بنعيسى ؟ لم استطع الإتصال بك بعد عودتنا من زرهون لأنني منشغل جدا . اتمنى أن تكون بصحة جيدة . كما اتمنى ان يجمعنا لقاء جديد لنقوي علاقتنا و اخوتنا .
اشكرك على الكلمات الرقيقة التي سجلتها على النص واعدك أني سابقى باحثا للرقي بزجلي الى مستوى اعمق و احلى .

الميلودي العياشي

موضوع: رد: مدْ يدّيكْ 31/5/2010, 20:12

لجماله وعمق أفكاره عدت إليه زجلا

للطين
منازل شلى
يرجع للتراب
أصلو
كد ما طار
وعلّى...
ضاع
كف لمان
بين ألف عله
الصح
عاد غريب
صحابو قله
زمان لقشور
زوق
وبان
كلشي يتفلــّى