مدينتي هي فاس و لزارها ما يتقاس

لالة يا لالة، محروسة بجوادك
، وعين الله عليك
أوتادك مغروسة ،وسط الجبال
وسيدي حرازم داير بيك
أسماك صافية وأرضك هانية،
والنوم ما يكحل عينيك
سوالفك طوال، وعيونك كبار،
واللي لبستيه يواثيك
يا لا لة دموعك سايلة، ورموشك مشاهب
تعمي اللي ما يبغيك
كافحتي مع الجيال واليوم جيل
ومزال غادا على رجليك
ضاع وقتك ،غابو أولادك
أصبرتي وحنيتي يديك
أه يا فااااس ياالعروسة ،
نسجت العز وخيطتيه بيديك
لالة يا المبسوطة ،
أولادك صنعو الدم اللي يجري فيك
مال الدنيا ينزل،
وأشكون يقدر يشريك
سلطانة، زعيمة
مولات الحكمة أمريني في رمشة العين نجيك
الماضي ليه نساي ، و حاضر فيه فكري
تدفى الخاطر فيك
بيك ما سخيت ، لا تنسايني
العار أعليك .
بنت الدار الكبيرة ولحسدك يرجع ليك
شانك كبير ,موحال من الخوتات يشبهو ليك
اشحال ما طال الوقت أنبقى ديما نبغيك.
أولادك وجواد سيدي التيجاني ما يتخلاو عليك

السلام عليكم،
ما أجمل الشعر الصادق الواقعي، و ما اجمل النقد الذاتي و دق ناقوس الخطر للبحث عن حلول و ليس وضع الماكياج على التجاعيد....

فاس ... كانت فاس
زينها فايت لقياس
دابا أواه آفاس
عيشة تكتم لانفاس

لمدينة لقديمة هديم
و ديور واقفة بزز
حيت لبني راشي و قديم
ف زمانه دوز العز

فيها الزلط ساكن سحنات
و مخلي لعناق تطاطي
و محنت كلامنا تحنات
و هاد الشي اللي عطاه العاطي

» مدينتي..غربتي
» أنس الفيلالي في حوار مع صبيحة شبر: مورست علي ضغوط من المبدعين في مدينتي لقتلي ابداعيا ...