راحة بالي....

موضوع: راحة بالي.... 28/10/2009, 17:19

رَاحَةْ بَالِي

مْسَاكْ ومْسَاكْ
يَا رَاحَةْ بَالِي
يَا مُهْجَةْ شْطُونِي
نَفْرَحْ مَلِّي تْسَالِي عْلِيَ
وعْلَى حَالِي
فْسَاعَةْ الضِّيمْ
والشّْيَاطْ

يَرْگُدْ خَاطْرِي
فْحْضُنْ خَاطْرَكْ
تِيلادْ
نْدَبَّبْ رْگَادِي عَلْ لُوسَادْ

ونَحْلَمْ بْالْمَلائِكَة
فْثُوبْ لَمْحَبَّة
گَمَّاطْ

يَصْفَى لُونْ وَجْهِي
فْمَلْگَاكْ
ويَضْحَكْ خْيَالِي
فْبْهَاكْ
ونْعَيَّطْ عْلَى سْرَارِي
تَعْيَاطْ

نَسْرَحْ فْغَيْبْتَكْ
اهْوَالِي
ونْكَمَّدْ ضَرْبَاتْ الْمَكْتُوبْ

ضَرْبَة ضَرْبَة
ونْزَطَّطْ خَطْوَاتِي
زَطَّاطْ

يَا رَاحَةْ بَالِي
يَكْفِي نَبْرَكْ هَانِي
بْلا تَخْمَامْ
يَكْفِي نَغْسَلْ شْقَايَ
مَنْ سُؤَالْ لِيَّامْ
يَكْفِي نْكَفَّفْ دْمُوعِي
عْلَى خْدُودْ لُوهَامْ
يَكْفِي نَعْطَشْ
ونَرْوِي
عَطْشِي

بْطَلّْتَكْ عْلِيَا سْلامْ
ولَّگَّطْ
وْرَيْقَاتْ غَدَّا
تَلْگَاطْ

يَا رَاحَةْ بَالِي
حَقِّي فِيكْ
والْحَقْ لْمُولاهْ يَرْجَعْ
بْالشّْرَعْ
عَارِي عْلِيكْ
زَوّْرِينِي فْلَخْفَا
إلَى انْتِي خَايْفَة
مَنْ بَالْ مَشْطُونْ
دقِّي بَابِي

عْلَى صَوْتْ الْهَلالْ
وفْجَرْ صْبَاحِي
لْثُوبْ لَهْنَا خَيَاطْ

غَرْبَلْي هْمُومِي
عْلَى رِيحْ لَعْشِيَّة
تَصْفَى غَلَّةْ مْقَامِي
فْرَاحَةْ بَالِي
يَا رَاحَةْ بَالِي
ارْتَاحِي
فْخْطُوطْ كْفُوفِي
مَا خَطَّطْهَا خَطَّاطْ.

موضوع: رد: راحة بالي.... 29/10/2009, 15:01

أخي الزجال محمد مومر

زجلية رائعة وممتعة، تكونت من مفردات جميلة وأسلوب راقي في النظم
مما أعطاها نكهة مميزة ومتعة في القراءة

محبتي الخالصة

موضوع: ترحيب 29/10/2009, 21:35

نص جميل أبدعت في نسج صور مضمونه
وكنت موفقا في تقريب المتلقي من تفاعل
احساس الانسان المتجلي بين انشغال البال
ومعانات الحال ...
دمت مبدعا ... مودتي

موضوع: تحياتي... 30/10/2009, 17:48

تقبلوا نتي اسمى عبارات التقدير والاحترام