اجي نحكي ليك العزيز
على الغرام وما دار فيا
خبيتو في جوانحي ندفيه
و ناروشعلت فيا
شوف نحولي
شوف ذبولي
شوف رعشة يديا
شكيت للشمس والقمرة
قالولي باين عليك غير شوية
جريت للميمة لحنينة نحكي لها ما جاري بيا
ودموعي تحكي همي والنيران الكاديا فيا
قالت
الغرام ابنتي هذاك لي بيك
والغرام ابنتي بلية وشمن بلية
والغرام جرتو مخلية
يجي على غرادة
ويقيس مولاه بلا نوية
بكيت بدموع حراقة وشكيت
آه يا ميمتي لو كان تعرفي لي بيا
هذا ما صابني يا الميمة
انما يا ريتو حس بحال حسيتي انتيا
الرئيسية 
