ما الغيوم طالقة الرحال

يا سحابة مالك هاربة زربانة
غيومك طالقة رحالها
في السما عوامة
لا نجوم الليل بانت
بلمعانها صوامة
لا ضو النهارشاع
و لا بانت ليه علامة
...................
يا كما قلبك مكسور الخاطر بحالي
و هموم الدنيا ساكنة دروبك محاني
هم يجر هموم شواري
و هم بنادم الظالم مالو قياس
.......................
يا كما كثرة الحروب و موتان القلوب
شواك وو كواك دار ليك شامة
مرسخة في جدورك قوافي
غابت الشمس من اللي غاب هلالها
حاروا فيها الناس ما عرفوا ليها دواها
قالت احوال الناس لجمت لساني
عيوني تقفلات على ضوها ما بغا يبان
تلجم لساني و هذا حالي بين القوام
العدو بريحت رصاصو غطى المكان
كيف نبان و الدنيا شاعلة حرقة و حريق
بين العباد ما كاين صاحب ما كاين صديق
كل محنة باينة تخفي حقادها
ما كاين حبيب ما كاين رفيق
كل شي ضاق عيه الحال
نادت سحابة و قالت ما زال الخير
مازال تفتح زهار حمالة من زين الخبار
ما زال القلوب تصافا تنورها حوالها و حوال اللي زرعو لوتاد...