الاقدام فيها وفيه

موضوع: الاقدام فيها وفيه 9/1/2009, 13:11

الاْقْدَام فيها وفيها
اقْدام تْجِيبْ الرْباحْ وتْعلّي الاْعْلاَمْ
واقْدامْ تمشي وتْخْليها
واقْدام تجْمْل العين بالإِقدام
واقْدامْ تْعَوّرْ العَيْنْ وتْعْميها
وأقْدام ترفع رايات الإسلامْ
واقدام تهْلكْ الناس وتْفْنيها
واقْدامْ تْزيدْ بالشعب لْقْدّاْم
واقْدام تعثْرْْ النّاسْ فيها
واقْدامْ تعلّْمْ ريوسْنا الْحْكَام (الحِكَم)
واقْدامْ تْحْكْمنا برْجليها
واقْدامْ عُمّرْها ما تْقْدام
واقْدامْ الريح لي جَا يْدّيها
واقْدام ترمي الكورة بْتمامْ
واقدام تضيعها وتْجْليها
واقْدامْ تْكْتْبْ الحْكْمَة بالاْقْْلامْ
وقْدام رصاص الجهل ماحيها
وقْدامْ الحُكّامْ ما تْتْلام
والشعب المْخلوع ْمْغطيها
وكراسيهم مصنوعة بالعْظام
ودْ مْ صُبْيان القُدْسْ طَاليها
كراسيهم مصنوعة بالكْلامْ
وكَثْرَة الكْلامْ عيبْ وشُوهَة
كراسي الحُكّام مصنوعة بالاْوْهام
والقمع والقهر مْعلّيها
وصمت الناس على الْقْهْرة حْرامْ
سْكاتْهم ركن أساسي فيها
إِمْتَى كان السْكاتْ جوهرة الكْلامْ
ولاّ كان للصمت قيمة فيها
اقْدام الرْبَاحْ لْمْوالِين الاْفْهام
اقْدام تْمشي بْمْوالِيها (بأصحابها)
اقْداَمْ تْزيدْ بيهُمْ لْقدّام (للأمام)
ولا احْسْنْ يبقاو بلا بيها

موضوع: رد 11/1/2009, 12:07

المبدعة وفاء الحمري

واقْدامْ الريح لي جَا يْدّيها
واقْدام ترمي الكورة بْتمامْ
واقدام تضيعها وتْجْليها

:::::

تصورات زجلية محترمة ترحل بالمتتبع الى تصفح اشكال مختلفة من طبيعة الانسان
وتبقى صور التجربة فاعلة بصحة حكمتها
تحيتي لك ومزيد من الابداع

موضوع: رد: الاقدام فيها وفيه 13/1/2009, 21:11

وفــــــــــــــــــــــاء
أسجل مروري الأول للتحية وتجديدالترحيب
أهلا بك قلما جادا مميزا بركن الزجل
زجلية محكمة النسج كلاما وصورا ودلالات عميقة
بلغة جميلة صادقة
تحيتي وفاء
دام لك ألق الحرف

موضوع: رد: الاقدام فيها وفيه 25/1/2009, 16:57

اخواي العزيزان
ابن عيسى الحاجي وحسن بواريق
اعتذاري لعدم الرد لعطب تقني
عندي مشكل في تقليب صفحات هذا الموقع
اشكركما كما يجب لامثالكما من الشكر الجميل
اني معكما اشاهد وارى لكن المشكل يعذبني
لا تقلب الصفحة الا بعد مضي خمس وعشر دقائق
يكون نفذ صبري وفررت
تحيتي الخاصة ومودتي الكاملة

» الضرب فيه وفيه...
» حتى جواربه فيها عطر