الخروف

الخروفْ
قصْتي معَ الخْروفْ أُماجْرا
فَلْسي قْليلْ وغْشيمْ ف المَشْرى
بَنْكَارْ زَادْتني حتى لَمْرا
قالتْ لي جيبُ كَبشْ عامَرْ أُقِلْ الهَدْرة
أمَضي لَماسْ عنْد مولْ الحجْرة

***************

أُعًنْداكْ تْجيبو كِ ذاكْ العامْ
سْيوكُو خارْجينْ ابحالْ لَشْريتهْ من العَرامْ
نبغيهْ همّ وقْرونو دايْرينْ علامْ
قْليلْ الشوفْ إشوفُ ف ظلامْ

**************
سردي اثْني عنيهْ مكَحْلينْ
أعنداكْ البَرْغازة اللي عَلْ السوقْ مسلطينْ
إنَفْخوهْ ب المَلْحة والشْعيرْ والمَا تَلْعينْ
أعَنْداكْ الشناقة الحالفينْ باليَمينْ
أعَنداك النصابة والكذابة المسَبينْ

*****************
حدرْت راسي أكلتْ هدي سنة مزّمْمَ
درْت ف جيبي 20ألف أعشْرة مْكلكمة
فبابْ السوقْ نصْحوني الفَهْمنها فسْما
أشْ وخْركْ كانْ عليكْ تْجي فظلْمة
إلا ابْغيتي لَمْليحْ والعنْكرة مشَحْمَة

*******************
توَكَلْت علْ الله أبديتْ أنْقلبْ
هدا هزِيلْ هذا ارْباعي هدا سَنينْ لَحْليبْ
هذا ثْني هذا خصُ طبيبْ
هذا اكْبيرْ بحالي فشيبْ
هذي نَعْجة خاصْها لَحْبيبْ

****************
جابْ الله واحدْ ولْد الناسْ قالي دي هذا
بعدة قرونْ أكرْفدَة
ماإحَشَمْ همّ بَعْدة
كانو فْلوسي فجيبي ولَوْ فهوندا

***************
جبتو ونَا فَرْحانْ
حلاتْ لي مولاتْ لمكاَنْ
قالتْ بَعْدا قَتْبانْ أزَنانْ
أضلْعة محمْرة فالفَرانْ
أنْكَحّلْ عنينْ دُوكْ الجيرانْ
أمباركْ عيدكمْ يا لَخْوانْ


اعيد مباركْ







توقيع البوعليوي عبد السلام

الاخ منير سلام الله عليك

امبروك عواشرك الاخ منير واتمنى ليك إن شاء الله
تعيّد وتعاوك وبلغ سلامي الى اولادك الاحبة

الاخ المحترم بنعيسى الحاجي عيد مبارك سعيد

اشكرك على الرد الجميل اخي الكريم وهذا نبل منك
لاتمر قصيدة إلا ويكون ردك ذى دلالة ومعنى
شكرا لك شكرا لك

الاستاذة الجليلة حبيبة زوكي عيدك مبارك سعيد

انا احسست بأنك لكي دوق رفيع وهذه الملاحطة
لمستها من خلال المنتديات الدي تشاركينة فيها
ومن الردود الدي تردين إذا لم يعجبك النص
تمرينة مر الكرام إدا فأنت ميزان الذهب
شكرا لكي

الاخت العظيمة فتحية الهاشمي عيدك مبارك سعيد

الشاعرة والقاصة والاديبة دائما
ردودك تكون في غايتي الاهمية
شكرا شكرا