لسان الحال

موضوع: لسان الحال 19/9/2008, 17:18

على طرف لساني
لسان الحال
نسكت ونعاني
ضاهر ليا محال
نقدر نخبيه

كان وكان وكان
كان الشجر وكان
مغطي هاد لمكان
تما مشات خبارو
وهنا بقى غير الدخان

كان وكان وكان
تما كان الزيتون
ساسوه وعصروه
خادوه وباعوه
وهنا ناض الريتون

كان وكان وكان
كانت الارض خضرا
جات العين الزرقا
خلاتها جمرة
عاد الشبر بالثمان

كانت النزاهة عشاقة
لقصايد منضومة
والسرابة منغومة
على لسان الذواقة
ولكلام غادي بالميزان

كان الما جاري
يروي عطشي
وعطش جاري
كانو لعيون كثار
تروي حتى الصحاري

كان وكان وكان
فين الجبح للي كان
والعسل من الشهدة يقطر
فين ذاك الشلال
سبحان الله ما بحالو منظر

فين صوت الطير
فين غناه فين لحانو
فين الورد الزاهية لوانو
كانت العين فيه تحير
حتى الربيع تقصى وتهان

كان وكان وكان
وتغير حال الزمان
صار يشبه لماليه
والفاهم ما يخفا عليه
علاش تبدل وخان

موضوع: رد: لسان الحال 20/9/2008, 05:14

مشى الخير..وراح زمانو
تبدل الحال..ونطقتي بلسانو

المبدعة لميس سعديدي:تحية لك وألف شكر على ما تنثرينه في هذا الركن من زجل جميل يفيض رقة وأصالة
كل التقدير

موضوع: رد: لسان الحال 20/9/2008, 16:47

كل التقدير لك أخي حميد ،ولقراءتك المتمعنة التي لامست معاني كبيرة في زجلية متواضعة
أشكر لك مرورك الكريم