خَاب ظنّي
طِيفْ لْمْلِــــــيحْ سْكنِّي
سْحْرنِي بْحْْْــــــلاوْةْ الطبَايْعْ
يْبَاتْ فْ لِيلُـــــُو مْهْنّي
وْنبَاتْ فْ دْرُوبْ هْوَالِي دَايْعْ
دْرْتُو سْلطــــانْ يْمْلكْنِي
وْحْلفـْـــــْتْ غِيُـــــرُو مَانْبَايْعْ
فْ نْصْ الطريقْ خْدلنِي
وَانَا اللّــي كْــــــنْتْ لِيهْ طايْعْ
بْعدْ الوْلْفْ خَـــابْ ظنِّي
عْدّبتكْ يــَـــــــا قلبِي بْاللوَايْــعْ
*********
نْصْبْ خْيَامُو جْوَارْ الرُّوحْ
مْنْ سْمَاحْتِي دَارْ وْتادُو
لقَا الخَاطرْ بَابُو مْفـْـــــتُوحْ
صَالْ وْ جَالْ فْ وْهَادُو
*********
بْنظرَة نَاعْسَة فْتــْــــنِّي
سْبَا البَالْ وْ صَـــــادُو
مْنْ صْدُودُو ذبَالْ جْفْنِي
شرْبْتْ لمْرَارْ فْ بْعَادُو
شحَالْ هْدِيتُو مْنْ كْلامْ
مْــْزجْتْ دْمِّـــي بْمـْــــدَادُو
يَـــــــــاخْسَارة يَا لِيَّامْ
عْقْلِي ضْيّـــعْــــــــتْ قْيادُو.
يَـــــــــاخْسَارة يَا لِيَّامْ
عْقْلِي ضْيّـــعْــــــــتْ قْيادُو.
الرئيسية 
