أجرادة مالحة
مشينا للبلاد
نحييوا الصلة
بالارض و الاحباب
هنا ردموا ساس النوالة
هذا تاريخ خلاوه الفهامة..
سافرت في التاريخ...
آ جرادة مالحة
فين كنت سارحة
في جنان الصالحة
واش كلت واش شربت...
*********
فين مشات
الخرايف و الحجا يا ت
اللعب و الذكريات
فين مشات النخلة
فين قبروا الجنان و الكرمة
فين الدار الصفرة
فين الجد و الجدة
فين الارض الخضرة
فين شجرة اللوز
فين الخوخة
فين الكرمة
فين الشمع او الحسكة
فين الرحــــى
فين التربة اللي عانقت
ضحك الصغار و دموع الكبار
فين او فين او فين..
********
قبة من
قبة حايدة
قبة من
قبة حايدة
قبة من
قبة حب الرمان
فينا هو حقي
كالوه الثيران...
*******
هادي لعبة لعبناه صغار
هادي لعبة لعبوها علينا الكبار
شميت التربة
كحلت منها عيني
باش الغولة م تشوفني
باش الكمرة م تفضحني
كيــــــــلت الحنا
باش طولا تهرب من الغول
باش المحنة تدوم
بيني او بين الارض
بيني او بين الجنان او الكرمة
بين هاذ الحجر المنقوش
اللي كيحكي حجايات كل العهود
اللي كيرسم و شم أمي لالة
اللي مخبي سبحة با سيدي
26/08/2007
الرئيسية 
