نجمتي الولهانة
نجمتي تايهة بين النجوم
عيني جفاها النوم
و أحلامي في بحر المستحيل تعوم
تتسنى الشمس تشرق
و تدفي هاد القلوب العطشانة
وتحمي هاذ الاسوار العالية
يا نجمتي الولهانة
سولي سماك مال سماها حاير
سولي الكمرة مال رحاها داير
دارت الأيام م دارت الرحى
تحرقت أكبادنا م تحرق الما
تنفخت الكروش بالندى
وتحنات الأكتاف منين بطات الشتا
ف كل منجورة خليت خيط علامة
ف كل حدورة مشيت حتى العلامة
فتشت المطامر و السيسان
غابت العلامة
غاب البرهان
ابقيت ف دوامة
منا لهيه منا هنا
الطريق طوالت
الخطوة قصارت
06/01/1999
الرئيسية 
