طريق لكلام
(1)
لا تمشي بعيد
لا تخلي خيالك يسرح بيك
لا تقراشي لحروف غير من دواليها ..
لا تجرحني بكلامك
وتقول : سرقت لقلوب من مواليها .
(2)
الغيرة حق أو موصون
غير يا قلبي
لا تمادى فيها .
(3)
سرج ركوبك
وشد طريق لكلام
غي نوصيك
مرة
مرة
زير لجامك .
(4)
لا تظنش القلب منو جوج
واحد يشطح ألهيه..
والثاني ما جاب حد خبارو
القلب اللي نعرف واحد
وأنت يا ولفي ساكن سرارو.
(5)
قلبي للنخلة تغني موالو..
ساعة جريدها يضرب ف الظهر
ويحرق اللي كتباتو يامو.
..
الرئيسية 
