محمد منير مؤسس
عدد المساهمات : 1898 تاريخ التسجيل : 23/01/2008 العمر : 59
| موضوع: مغازل لكلام 7/3/2009, 13:48 | |
|
مغازل لكلام
(1) الدنيا حنات كفوفها ب لحمر .. صرخت صرخة ف العالي، يا وعدي رحمي تصاب ب لعكَر.
(2) الأرض لولادة غي زينها تقاد عطست عطسة اللي زرعت فيها داه لواد.
(3) السما اللي ف عين الكَلب شفافة جلاو ف عز الظهر شمسها الوضاحة.
(4) لبصر محال ي تقاد مع لعمر.. كَالها للدنيا م زينو بحر ، ساعة موج سرارو شط عمرو على غفلة هجر .
(5) حرث يا محراث شكَ بلا قياس اليوم إلا كان طين صدري تيرس .. غذا تنبث فيه مليون صَفيه ويكحل عينيه ب لمزرار.
(6) الدنيا اللي نبغي محال تجي شمرت على كتافها و غاصت ف بحر منسي.
(7) علاش وقت ما نقشت ف طريقي ضحكة.. ف عيني تفضحني لحزان.
(8 كاَلوا الدنيا تشبه لمرا ولمرا طبايع واحوال . كالوا الدنيا بحر ولبحر فيه شلا أشكال . شفت ف الدنيا اللي نبغي لقيت حالها ما يشبه حال.
محمد منير 7 مارس 2009
..
عدل سابقا من قبل محمد منير في 16/6/2010, 23:03 عدل 2 مرات | |
|
فتحية الهاشمي الادارة و التنسيق
عدد المساهمات : 1899 تاريخ التسجيل : 23/01/2008
| موضوع: رد: مغازل لكلام 7/3/2009, 15:34 | |
| الدنيا مثل لبحرْ ساعة بْساعة ساعة لمواجْ زرقة ساعة موجتو خدّاعَة و زجلياتك الوامضات ، حاملات للهمّ و الوجع مثل البحر ، متحرّكة ، متماوجة ، ذات حكمة و فائدة هي ومضات زجلية مكثفة ذات انزياحات عميقة و قراءات متعدّدة بدأت تحفر طريقك بثبات أيها الزجال أصبحت نهمة أنتظر المزيد | |
|
بنعيسى الحاجي المدير العام
عدد المساهمات : 1140 تاريخ التسجيل : 14/07/2008
| موضوع: رد 8/3/2009, 20:57 | |
|
اخي الزجال محمد منير ومضات تتباهى بمعاني صورها المانحة للخيال حق بوح عميق جميل أن نقرأ من الزجل ما يمتع ويغري ذوق المتلقي تحيتي الفنية
| |
|