مدارات
مدارات
مدارات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مدارات


 
الرئيسيةالرئيسية  أحدث الصورأحدث الصور  التسجيلالتسجيل  دخول  

 

 في ليـالـــــي رمضـــان

اذهب الى الأسفل 
كاتب الموضوعرسالة
بنعيسى الحاجي
المدير العام
بنعيسى الحاجي


عدد المساهمات : 1140
تاريخ التسجيل : 14/07/2008

في ليـالـــــي رمضـــان   Empty
مُساهمةموضوع: في ليـالـــــي رمضـــان    في ليـالـــــي رمضـــان   Empty8/8/2011, 02:05


بمناسبة حلول شهر رمضان المبارك
مرحبا بإخوتي رواد منتدى مدارات
فــي
ليـالـــــي رمضـــان
.. .. ..
1
قصائد زجلية
.. .. ..

باش درتي آيدي تودي
نص الحكاية بقلم الأستاذ محمد الراشق
إعادة صياغته زجلا بقلم الزجال بنعيسى الحاجي
في ليـالـــــي رمضـــان   372366435
يا سادة يا كرامْ
1

كان يا ما كانْ
حتى كان لحبَق والسـّوسان
والملك مالكـُه الرحمَانْ
بأمرُه
نصلـّيوْا ونسَلمُوا
على نبينا العدنان
.. ..
هذا واحد الملك من بلاد الفرس
عايش في مملكتـُه هاني
الوزَرا والمستشارين وحتى الحرّاس
ليه سامعين وطايعين بجهد متنّي
بحداﯕتهم حاضيينـُه من كل باس
وحتى هو عليهم عوّال وبهم معنّي
الشعبْ بالتـّمامْ هـاز الرّاس
عايشْ مزيان مقيـم وبرّاني

ولكن دوام الحال من المُحال
الملك ف يوم من ليـّام
غسل ذاتـُه وتيعاودها بالتشلال
وهو ف وسطْ الحمّامْ
شاف آثر لبرص ف شي بلايص قلال
و خاف على وجْه ُ يتعادا ف يومْ من ليَامْ

بغاوا يداويوْه أطباء لقصر بزايد مال
ولكن لبرص غير زايد ف طريقـُه لـﯕدّام
ونهار على نهار هوْل المرض تيزيد يثقال
الملك تغيَر حالـُه وبغى يقلل من لكلام
ويبعّد على عينين الناس حيث تزاد عليه الحال

المستشارين والوُزَرا ديعـُوا لخبـَار
باللي من تداوَا على يدُه الملك كان حكيم أوطبيب
يتجازى ب لمتنِـّي يعلى شانـُه بحال الناس لكبَار
وجاوا الأطباء من كل بلاد معرفـَه دِرايَه وتجريب
وحتى واحد فيهم بدواه ما قضى على هاذ الضرر

وف واحد النهار بان رجل ف بلاد الفرس
ليها جَا مهاجر استقر وسكن شي وقت قريب
من بلاد اليونان أصلـُه قديم ف الحرفـَه عرفوه الناس
شاهر راسُه بالحكيم وعلم الطبْ عندُه فيه النصيب
معرفتـُه شانعَه حكمَه وتجريب عندُه ف الرّاس
ف قولـُه زعيم ديانتـُه مسيحيَه واللسان لبيب

/// ــــــــــ ///
يتبع
الرجوع الى أعلى الصفحة اذهب الى الأسفل
بنعيسى الحاجي
المدير العام
بنعيسى الحاجي


عدد المساهمات : 1140
تاريخ التسجيل : 14/07/2008

في ليـالـــــي رمضـــان   Empty
مُساهمةموضوع: رد   في ليـالـــــي رمضـــان   Empty15/8/2011, 22:56


باش درتي آيدي تودي
نص الحكاية بقلم الأستاذ محمد الراشق
إعادة صياغته زجلا بقلم الزجال بنعيسى الحاجي
في ليـالـــــي رمضـــان   372366435
يا سادَة يا كرامْ
2

ومنين دوّزْ شلا ايّام ف لبلاد
سمع بمرض الملك وساق لخبار
قصد باب لقصر يـﯕـعّد لـُه لوساد
معَنـِّي بالحكمَه ف يدُه أسرار
طبيب يداوي كيف المعتاد
بحـال غيرُه من لأطباء لكبـار

طلب يقابل لوزيرْ "شامان" وكيتسناه آش يدير
وبالفعل استقبلـُه ورحّب بيه ترحيب
سوّلـُه ع لغايَه من الزيارَه ف هاذ النهار
رد عليه لحكيم ...
وجاوبُه بلسان لبيب
أنا طبيب معروف
و بالحكيم مشهـور
كنداوي بقدرة الله
كل مريض بعيد ولا قريب
وحيث سمعت بمرض الملك
وسقت لـُه لخبـَار
جيت وعندي علاج
يداوي مرضُه واخ يكون صعيب

ومنين ردّوا ع لملك لخبار
ﯕال لهم عييتوني ف كل نهـار ...
كتجيبوا واحد تيدير فيا التجريب
وهاذ المرض غير تيزيد ف الذات يكثر
ﯕولوا لهاذْ لحكيمْ !!!
ايلا عندُه خبرَه ف الطب
وداواني بالصحّ .......
وهاذ لبرص من ذاتي أثرُه يطير
غادي نهدي لـُه كل ماعندي
من كسيبَه ف كل لعزيـب
ونهدي لـُه اللي ما تيحلمشْ بهْ
يكون قريب لي ونديرُه مستشار
وطبيبي الخاص فيه الأخ وفيه لحبيب

.وﯕولوا لـُه ايلا فشـل
غـادي يصدر ف حقـُه تقرير
بالكشف على ذات الملك
بلا معرفـَه بلا تجريب
وغير يعـوّلْ بيد السيَاف راسُه يطيـر
يكـون عبرَه للغيـرْ
.....ولكل غافـل تيـﯕول بلا معرفـَه أنا طبيب....

لحكيـمْ اقبلْ وازعـمْ
.وخاطرُه ما تأثـر بذاك التعبير
وعـرف باللي ب لمخيض ..
كيتفـرَز اللبن من لحليـب
/// ــــــــــ ///
يتبع
الرجوع الى أعلى الصفحة اذهب الى الأسفل
بنعيسى الحاجي
المدير العام
بنعيسى الحاجي


عدد المساهمات : 1140
تاريخ التسجيل : 14/07/2008

في ليـالـــــي رمضـــان   Empty
مُساهمةموضوع: رد   في ليـالـــــي رمضـــان   Empty25/8/2011, 00:59


باش درتي آيدي تودي
نص الحكاية بقلم الأستاذ محمد الراشق
إعادة صياغته زجلا بقلم الزجال بنعيسى الحاجي
في ليـالـــــي رمضـــان   372366435
يا سادَة يا كرامْ
3

وف لحال لعند الملك دخل
بحكمَه وزعامَه
وصواب ف كلامُه تحيَـه وتقديـر

طلب منـُه يْحيَد لباسُه ف اللـّوّل
يبـان الـدّا حبوبَه وجدامَه
شاف فيه وركـّز بشكل كبيـر

قد ما لعين تتشوف واللسان تيسوّل
والملك تـَيحَسْ براحَه وسلامَه
بـان البرهان وحالتـُه وقع فيها تغيير

وكانت طريقة العلاج غريبَه
ما فيها لا دهنـَه ولا عشوبْ
لا حجاب من يد فقيه
لا بخـّان من فم مجدوبَه
ولا وصفـَه كلهـا كـذوبْ
العلاج ركـّزْ عليهْ بالشـوف
وقـدرَه مكسوبَـه
وبالزّربَه تحقـّقْ للسلطان
غرَضُـه المطلوب

من بعد دقايقْ معدودَه
صبحَتْ الحكمَه مشهودَه
ولبرص من ذاتـُه طــار

وهو كيتمتع ف لمرايا بصحتـُه المعهُودَه
بشـّر لحكيم وﯕـال ليـه :
من اليوم خذيت ف حقـّك قـرار
بلاصتك حدايا
ومحبتك ف قلبي ديما موجودَه
وف الحينْ رجْعُه صديق وونيس
من صحابُـه لخيـــار
آمرْ ليه بأغلى الهدايـا
وجعلـُه ف مرتبَـه محمـودَه
يجالسُه ويشاورُه ويعاود ليه ﯕـاع لسـرار

/// ــــــــــ ///
يتبع
الرجوع الى أعلى الصفحة اذهب الى الأسفل
بنعيسى الحاجي
المدير العام
بنعيسى الحاجي


عدد المساهمات : 1140
تاريخ التسجيل : 14/07/2008

في ليـالـــــي رمضـــان   Empty
مُساهمةموضوع: رد   في ليـالـــــي رمضـــان   Empty19/9/2011, 21:49


باش ردتي آيدي تودي
نص الحكاية بقلم الأستاذ محمد الراشق
إعادة صياغته زجلا بقلم الزجال بنعيسى الحاجي
في ليـالـــــي رمضـــان   372366435
يا سادَة يا كرامْ
4

ولكن شكون يخلي لحكيم يتمتع
بالخيرات اللي ف هاذ الساعَه موجودَه
حيـث لوزيـرْ " شامان"
حسدُه وحقد عليه ونوى ليه لغدَر
وعمل كل ما ف جهدُه من مكايد مرفوضَه
باشْ يقضي ع لحكيمْ ويمحي لـُه لآثار

وهذي هي حالة كل ماكرْ أتيم
وبدا لوزير "شمان"
تيفكـّر ف شي حيلـَه بها الملك يقتنع
وبحلاوة اللسان أصبح قوي وزعيم
واحد النهار حس به ناشـط
وفرحان غايَه وبشانـُه متمتـّع
انفرد به وسمّـْعُه من لكلام اللي يرضيه
حقيقـَــه وتوهيــم
وذاك الملك موالف لوزيرُه "شمان" يسمَع
جبَد لـُه حديث الطبيب اللي دَوَاهْ
المشهور ب لحكيم
وﯕـال ليه يا مولاي
أيـاك من ذاك الساحر
راه بدا ف نشاطـُه كيتوسّع

وجانـَا من اليونان
بـلاد الديانـَه المسيحيَه
وحسّيتْ باللي هو جاسوسْ
جا يقضي على ديانتنا " الماجوسيَه "
وهاذ الشي باش راني يا مولاي
ف هاذ ليــام مشطون ومحسوس

/// ــــــــــ ///
يتبع
الرجوع الى أعلى الصفحة اذهب الى الأسفل
 
في ليـالـــــي رمضـــان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدارات :: مدارات شعرية :: مدار الزّجل والشعر العامي-
انتقل الى: