نهديك قصيدتي
يا وردة كانت فجنان
رونق بهاها ليعتي
لوحة حلمها فنان
ريح طيبها ينطق بكلام
المعنى بارزة فحروفو
نبراتو تعزف انغام
حرام المسامع تعيفو
كنت نشوفك فالجنان
ويهيج فدواخلي الالهام
طلعتك تفاجي لحزان
بتي ما صبحتي
واش دبالتي
ولا قطفوك ولاد لحرام
يا وريدة هولتيني
وهواك مسني بجنون
واش بودك هجرتيني
ولا قلعو الجدر المدفون
كنت نركع نشمك
تهمسي فوداني بالحان
اليوم عسايا غير نحلمك
والحلم يتمرد فالعصيان
يا وريدة يا ولفي
فين غبتي ع الولهان
فشوني ليك ندفي
تسفي سفوف الحب والحنان
لو تعرفي حرفي يا ولفي
شحال من الوفا ليك يوفي
تعلقيه وسام ولا فالصدر نيشان
تتعناي بيه
فيوم يمطر فالدنيا الغدر
وحق لعمر
لي طحنت ازهارو نتكدر
وانا مانزيد مانقص فخبر
ويلا تيقي بيا مانكر
هتافك فدواخلي زند جمر
التنهيدة فكلامك
تتردد صدى فوداني
والبراءة فهمس هتافك
نساني فهم حزاني
وردة يا وريدة وردية
بنيت ليك كعدة ملكية
فجوف قريحتي تواتيك نتيا
ها الهمة والشان ها التكبيرة ها الصينية
نبكي ذكراك يا حورية
كلما طليت ف الجنان
بالدمع تغرق عينيا
ما لقيت جواب السؤال
الرئيسية 
