انحبّك وانحبّها وانحبكم الكلّ

مازلت ، أسترجع كلّ كلماته...

مازال لرنينها وقع على ماذا ؟؟؟ لا أظنه قلبي : أششتْ شكونْ سألكْ عْلى حالكْ

ولكن الأمر كلّه يخصّني أنا .

من أنت ؟؟؟

قلبك

منْ؟؟؟؟

كان ياماكانْ

كانْ عندي قلبْ و كبدة و مصرانْ

أعْورْ ؟؟؟

أعورْ والاْ بْعينيهْ

المسألة ليستْ هنا

هي إذا مسألة اقتصاديّة بحتة ...

جيتْ للمفيدْ : نعمْ من تحبّني لا أحبّها مسألة مبدأ

و من أحبّها تحبّ الآخر

بربي فكّ عليّ منّك ياخي أنا ناقصة جنانْ

كان ياما كانْ

كانت بنيّة حليلتها مزيانة كيف الفلّة و الاّ الأقحوانة

كنبتها هكّة باش تتفهمْ

حبّت و تحبّت و هْواتْ

و هْواتْ منْ حبّ غالي

لقاتْ روحها في مْهاوي

وجرالها كالطيرْ الجالي

صادوها الضبوعة و هواتْ

طاحتْ من كافْ عالي

لقات الحناشْ مالية الوادْ

و الما شحّْ غالي

شربتْ الغدْرْ و الخيانة

عياتْ ادّورْ عْلى قلب خالي

يا بنتي أشبيك دخلت فيّ دخلة مشومة ، ياخي قلبتها همْ و غمْ

هذا راهو الركن السّاخرْ يعني بالعربي الفصيح المتملّحْ مالطّرح

كيفما يقولو التّوانسة

ردّيتهالي مندبة

باهي يا سيدي

دجاجة تقاقي بين حْوِمْ

نْعمْ نْعمْ

ايّا فكّ عليّ ماشي نتكبّ نرقد أحسنْ وْ خيرْ

قلبي وينو

قلبي وينو

فتح المزادْ

جرحْ

اثنينْ

ثلاثة

غرفة الغدر جاهزة

ملاحظة جادّة جدا : اللي قلبو شفيفْ و رْهيفْ

و مصنوعْ مالدّوانة

يخلطْ عْلى بايو فيسعْ

المزاد قويْ و النبالْ جاهزة

كم مرة مررت من هنا لعلي اقبض معنى بعض الالفاظ التي استعصى علي فهمها

رغم الدلالة العامة للنص بقي عندي اشكال الاستعاب اللغوي

اتمنى ان اتمكن من فك بعض رموز معانيها

مع محبتي الشاسعة

.

فعلا هذا النّصّ مفاجأة حقيقية لي

و الله لست أدري كيف كتبته و لا متى كتبته و كأنه ليس نصّي

فعلا هذا يحدث لي مع الروايات ، أكتب و أذهب و لمّا أعود ، أضحك و أبكي و أتمرّد

و أستعجب و هذا ما حدث لي مع هذا النص الذي سقطت في عشقه الان و أنا أقرأه

نعم يبدو أنه في لحظة تصادم مع لحظة ما و مع قلب لست أدري ان كان قلبي كتبت هذا يا محمّد

عد اليه متى أحسست بحاجة اليه ، ربما تجد الكلمات المستعصية سبيلها اليك

أعلم أنك تفهمها و هي طايرة ههههههههههههههههههههه

على قولنا نحن التوانسة

موضوع: الرد 12/3/2009, 19:34

تفاجئنا الهاشميّة

بنصوص بهيّة

مرّة طير بينا في السماء

ومرّة تهزنا لعماق الماء

ومرة تبنينا دار حيوطها بلار

ومرة تزرع في طريقنا نوّار

ها التحفونة منين جات

من زمان فات

ولاّ حريّة

ولاّ جنيّة

ولاّ للاّ بيّة

جابت على كفوفها العرعار

زينت بيه الدار

فرحنا كبار وصغار

وحكينا معاها حكايات

على عمر الغول وبنت السلطان

واميرة البحار بنت الجان

ها الحوريّة

عملت فيّ

الوان

وازهار

ونجوم سماويّة

هذي انت

يا هاشمية

محبتــــــــــــــي القلبـيــــــــــــــــــّة

التوقيع الشمعة

[/center]

هذا انا

و هذي انت يا سليمى

ياللي تمر

خفيفة

شفيفة

كيف الغيمة

حكايتنا يا بنت العروش يا المسميّة

حكاية تغري كلّ بنيّة

ممكن هي حلمة قديمة

ممكن هي نغمة حزينة

ممكن جاية من برّ بعيد

ممكن هي غمزة عيد

ممكن و ممكن

يا سليمة يا المزيانة

ممكن هي حكايتك انت

والا الأصدق حلمي أنا

ما نعرفشي

هي فاحت بالنوار

من كفك طلعت لزهار

شيْ نسري

شيْ فلّْ

شيْ

أغلى من هذا الكلْ

سر عيونكْ يا المزيانة

هو اللي زيّن هذا الكلْ

شاف النسري و العرعار

شاف الورد و الأزهار

خلّى ليلْ هالحْكاية

يضوي و يشعل كالفنارْ

موضوع: الرد 16/3/2009, 18:43

اه ...اه..يا هاشميّة

قولك خذاني بعيد

ونفسي وجعها التنهيد

مرّة تبكي

مرّة تسافر

فين....وفين

********

كلامك يا هاشميّة

فيه ريحة عنبر

وطعم السكّر

وخوابي معبيّة زعتر

و أنا في غربتي نستنّى

ليّ مدّة نتمنّى

جيتي يا هاشميّة نسمة

جيتي نغمة

جيتي نجمة

جيتي اميرة من الغابرين

جيتي زيتونة تظللني

جيتي حبقة تعطّرني

جيتي فلّة تنوّرني

جيتي بلسم من لهاشميّين

*******

بالك تضمّدي

أعماق جروحي

وبالك تمسحي دمعة سخونة

ساكنة في روحي

وبالك تفتّحي لبواب

ألّي تسدّت

والاه عملت مسرب وتعدّت

وفيّ تمدّت

وزادت تمدّت

******

يا هاشميّة

الدنيا صعيبة

غابة عجيبة

فيها ألّي يكذب

فيها ألي ينافق

ولّي وجهو الوان ...ألوان

يتبدّل

مرّة يضحك معاك

مرّة يضحك عليك

ومرّة يحطّلك

حجرة عثرة بين رجليك

حاسب روحو خو

ولاّ صديق

وهوّ يحفر في ساسك

ويلعب بيك

ويكبر الجرح

يكبر في احساسك

وتظلام الدنيا في عنيك

******

اه...اه...اه يا هاشميّة

ضاع العمر

بين ليت وكان

قلبي معبّي

فيه شوكة توجع فيّ

من زمان

وانا حلفت برب الاكوان

يزرع بين الناس

محبّة

وامان

يمكن نقدر نتبسّم

ويمكن يضحك القلب ألّي تلغّم

******

هاذي انا

ولاّ انت

وهذي حكايتنا

رنّي يا لوجيعة رنّي

مرّة نضحك

مرّة نبكي

والايّام والسّنين

تاخذ منّي

التوقيع الشمعة

[/center]

الدنيا يا العزيزة هي هي

الليلْ ليلْ

و الثريّا تريّا

أمّا القلوبْ يالغالية

فيها المصدّدْ

فيها المحدّدْ

فيها اللي مثلْ الماسْ

و الميّة

صافية

ووفيّة

وانت منهم يا سليمة القلب و الخاطر

و انت النسيم العاطر

و انت الوفا و الحب و الصفا و النيّة

يا التونسيّة

يا ريحة نخل وورود زاهية جوريّة

قلبك ما يتكدر لا يالزاهية و عفيفة

هذي الدنيا

ساعة بساعة

ساعة ثقيلة ، مغيمة

و ساعة جميلة ، شمسها مضوية و شفيفة

ما عليكشْ فيها

سيري و خليّها

أنت غيرهم يا البيّة

وانت الغالية العزيزة

ديمة ديمة عليّ

أمام كلماتك لابد وأن نصمت
فلا مهرب
وأحيانا الصمت يكون أبلغ من الكلام

تحياتى